Виталий ЕВГРАФОВ
Живущи на земли...

Из новых стихов

* * *
Живущи на земли,
                 душе заблудшая,
Покайся:
      персть во гробе не поет,
Не избавляет
          уз греховных тяготы
И возопий
          ко Господу из бед:

Тебе, Премудрый,
       согреших предерзостно,
Погибну,
      аки мерзостный злодей,
Владыко,
      прежде даже не осудиши,
Помилуй мя
           по милости Твоей.

Душе моя,
       доколе убегаеши
Спасения
         по гибельным стезям,
Молитвы покаянной
                  преложение
Приемлеши,
         наследствуясь грехам?

Ты во уме
       суд приими взыскующий,
Душе, и к Богу
            возопий сильней:
Владыко,
        прежде даже не осудиши,
Помилуй мя
           по милости Твоей.

* * *
Яко прегрешеньми многими,
Так и язвами безмерными
Облежимь есмь, Спасе Господи,
Содержимь напастьми скверными.

Согрешаяй даже многажды
Во слезах молю просительных
Аз Твое благоутробие,
Христе Боже, Покровителю.

Врачу́ благосострадательный,
Сирых, страждущих Призрение,
Посети мя, исцели и даждь
Средь житейских бурь спасение.

* * *
Дарований великих и благостных
Ты сподобилася еси, Кроткая,
Богородице Дево Пречистая,
Среди твари всея, яко плотию
От Святыя Пресущныя Троицы
Родила еси миру Единаго
Жизнодавца Христа – во спасение
Наших душ от врага супротивнаго.

* * *
Богородице Дево Нескверная,
Ты моли – Сына – с горними силами
Дати прежде конца нам прощение
Прегрешений и велию милость.

* * *
Блудный, в беззакониих зачався аз
И взирати не дерзаю с трепетом
Мысленным на высоту Небесную,
На небес Светило лучезарное.

Но зову, на человеколюбие,
На Твое дерзая милосердие:
Господи, очисти мя, порочнаго,
И спаси по щедрой Своей благости.

Аще едва праведник спасается,
Где явлюся грешный и неправедный,
Показуя скверная деяния,
С ними любострастная стремления.

Тяготы и зноя полудневнаго
Аз не понесох по празднолюбию,
Но, Владыко, сопричти с наемники
Мя часa единонадесятаго.

* * *
Рыдания падшей блудницы
И слезы Петровы приемый,
От грех мытаря оправдавый,
Тебе из глубин воздохнувша,
И мне в умилении слезном
Припадающа, Ты ущедри,
Премилостивый Спасе Боже,
И призри на мя,
И помилуй.

* * *
Твоего судища страшнаго,
Неумытнаго и грознаго,
Христе Боже Вседержителю,
Во уме прием и день, и час.
И трепещу, яко тать в нощи,
Искони студа деяния
И дела имеяй лютая,
Яже аз содеях истово.

Темже страхом Ти припадаю,
Многогрешный и неправедный,
Вопия Тебе болезненно:
Многомилостиве Господи,
Умолением Тя рождшия
Не отрини мене грешнаго,
Помози ми и помилуй мя,
И избави от погибели.

* * *
Страшный Твой Престол Божественный,
Житие мое лукавое:
В пору горькую, в час бедственный
Обвинят дела неправыя.

Кто избавит мя тогдашния
Нужды, скорби и унылости,
Не помилуеши аще Ты,
Христе Боже, яко Милостив.

* * *
Державный покров и в скорбех упование нам,
К Тебе притекающим, Богородительнице,
Честным христианом благая Предстательнице,
Прилежно моли со безплотными лики небес,
Егоже в любви родила еси Бога Царя,
Душам немощствующим нашим избавитися
От всякаго зла и прещения бедственнаго,
Едина Всепетая Мати Владыки Христа.

* * *
Спаси, Господи, и помилуй нас,
Также нашу страну православную,
Богозданную, богохранимую,
Ея власти, державное воинство,
Да безмолвное в мире и тихое
Житие поживем добродетельно
В правоверии твердом и ревностнем,
В благочестии всяком и честности.

* * *
Что не плачешися, блудная душе моя?
Ты рыдай и тем утешишися, грешная,
Смерть приидет и не сможеши ты плакати,
Очи выест безпощадно тьма кромешняя.

Вразумися, ты душе моя, заблудшая,
И наряд греховный скини в покаянии,
А не скинеши – не минеши скорбь адскую,
Муку страшную и вечныя страдания.

А как в рай восходят божии страдалицы, –
На главах венцы их, – радостно ликуя,
Песни ангельские сладостно они поют:
Аллилуия, аллилуия, аллилуия.

РОЖДЕСТВО
Рождество Твое,
         Христе Боже наш,
Возсия свет разума
                          мирове,
В нем бо многим звездам
                               служащии
О Едином звездою
                      учахуся:
Тебе истинно
            поклонятися
Солнцу правды
            и в Тебе ведети
С высоты Восход,
            посетивший нас.
Слава вечная
            Тебе, Господи!

* * *
Земля, подножие есть ног Твоих,
Но на главу Твою, о Боже,
Безчинно израсти же терние,
Страданий муку приумножив.

О, дщери Иерусалимския,
Стезь изыди?те от неправых,
Идеже в скверне охромоша вы,
И зрите ныне Царя славы –

В венце терновом, страстотерпчестем,
Имже венча Его злодейски,
Предавый Бога на распятие,
Неблагодарный род еврейский.

* * *
Егда снизше́д, слия́ язы́ки, –
Язы́ки Вышний разделяше;

Егда же огненныя с неба
Господь язы́ки раздая́ше –
Призва вся в чающую радость
Соединения живаго;

И мы согласно воспеваем
И славим Духа Всесвятаго.

* * *
Мученицы Твои, Господи,
Победно венцы во страданиих
Лютых прияша нетленныя,
Спасения во упование.

Крепость Твою бо имущии
Вражду низложиша мучителей,
Демонов тщетныя дерзости
Крестом сокрушиша решительно.

* * *
Не рыдай мене горестно, Мати
Зряще мертва во сумрачном гробе,
Безсеменно безгрешнаго Сына
Зачала же еси во утробе:

Ибо чуждь смерти тленной возстану
И прославлюся, яко Бог Сущий,
И во славе Своей вознесу их –
Тя любовию, верою чтущих.

* * *
Ниединаго спечалующаго,
Обретох, ни утешающаго
В моей скорби безысходной и беде,
О, Споручнице всех кающихся.

И бо друзи вси в юдоли дний земных
Мя оставиша и знаемии,
Но, Надежде моя милостивая,
Не остави мя в отчаянии.

ПОКРОВА
Первый снег, первый скрип, первый след –
Вот и время пришло охлажденья
К нам судьбы, изливавшей и свет,
И тепло, и поток вдохновенья.

Отрешеньем снега холодят,
В сердце теплится путь к богомолью.
Распростёрт Покрывающий плат
Над земною плачевной юдолью.

* * *
Разлился день в сиянье щедром
Над отогревшейся землёй,
Сырых семян тугие недра
Взрываются ростков гурьбой.

И хвалит всякое дыханье
Дыханье тёплое небес,
И стихло смерти ликованье,
И слышится: «Христос воскрес!»

И всё воистину воскресло,
Глухие сорваны врата.
День вешний обновлён и весел
Восстаньем подлинным Христа.

Система Orphus
Внимание! Если вы заметили в тексте ошибку, выделите ее и нажмите "Ctrl"+"Enter"

Комментариев:

Вернуться на главную